Aubin de Sezanne

Edition: Hans Spanke. Eine altfranzösische Liedersammlung, der anonyme Teil der Liederhandschriften KNPX. Rom. Bibl. XXII. Halle: 1925. p. 196.

R468: fol. 222v^o
.xxv.

^{image du manuscrit}

1. Flors ne verdure de prez
   Ne chant d’oisiaus ne m’agree
   Por ce que j’ai tant été
   [F]ors de ma doce contree.
   Sache bien la demoree,
        Com n’i ot fausé.
   Ainz est de fin cuer amee,
        Qar do cuer me muet,
   E puis q'amer la m'estuet,
   Nus conforz valoir n’i puet.

2. J'oï chascun dire et conter
   Qu'il veaut bien q'amors l’ocient.
   Hunc ne me vint en punsé
   Qe morir n’en ve a mie.
   Ainz ain meauz, que que nus die,
         Vivre et bien amer
   Et servir ma doce amie,
         Qar do cuer me muet,

3. S'unques a nul home né
   Fu joie d’amors doblee
   Por trop loiaument amer,
   Diux! ou est la moie alee?
   Certes que je l’ai amee
        De tel volenté
   Com ne pot etre trovee,
        Qar do cuer me muet,

[Suivi d'un blanc]

retour à l'index

haut de page