Pres sui
d'amor mais lonc sui de celi
Dont me covient ma goie definer.
Car lasié m'a dolant et esbaï
Quant li ne voi n’a li ne puis parler.
Ne ja por çou ne me verrés
f[?]arser,
Ains atendrai bonement sa merci;
Pos qu’ele set mon cuer et mun penser.
Si sui dolans che ne sai che je di,
N’a mes canços ne me puis conforter:
Maint mal m’ont fait pré et
vergier flori
E li oisel que j'oï el bois
canter.
Ch’en son païs n’os venir ni
aler,
Mais mes fis cuers est adés a celi,
Che tant me fait veiller e sospirer. / fol.
225vo
Mar acointai son gent cors seignori
E son bel vis fres et riant et cler.
Ne le voi mais la u primes la vi,
E saciés bien que molt me
poet grever.
Molt me vent cier ço che jo l'os amer:
Q’ainc puis cel jorn c'a li me descovri
Ne me deigna de ses oels esgarder.
[Suivi d’un blanc]