René de Trie

Edition: H. Petersen Dyggve. Trouvères et protecteurs dans les cours seigneuriales de France: Vieux-Maison, Membrolles, Mauvoisin, Trie, l'Iisle Adam, Nesles, Harnes. Annales Academiae Scientiarum Fennicae B, L2 (1942): 39-247.

Suivent les chansons R863, R1484.

R863: fol. 221r^o - v^o
.xx.

^{image du manuscrit}

1. Bien puet amors guererdoner
   Les maus q’aus amanz fait sofrir.
   Maint lonc jor m’uint fait penser,
   Maintes nuiz veglier senz dormir.
   Hunc tant ne mi sorent grever
   Qe lor ne fusse senz fausser;
   Si m’avroit bien mun servise meri
   Se ma dame me tenoit por ami.

2. En vos servir et en orer
   M’otroit doz cuers sanz repentir.
   Nulle riens ne mi puet grever,
   Sen joi mi volez tenir.
   Et se vos voi aillors penser,
   Dunc sui je morz senz recovrer;
   Sen vos ne truis et pi /fol. 221v^o / tié et merci. 
   Mort m’a mes cuors et mi oilz m’unt traï.

3. Se ne fut la grant cruiautez
   De cele mal parliere gent,
   Et la tres grant desloiautez,
   Je la lasse veoir sovent.
   Mais tant redouter fausetez
   Doz Deus carles defigurez
   Des iauz senz plus q’il ne voient choisir
   Les fins amanz a l’aler n’al venir.

4. Chançon, vai t’en tot droitement,
   Au bon Renaut de Leündi,
   Et q’il ne se recroie d’amer,
   Que je li maint et lo et pri.
   Qar nus ne puet en pris munter
   S’il ne sent les doz maus d’amer.
   Por ce, li mant q'il les serve a toz dis,
   Car d’amors vient joie, valors e pris.

   [suivi d'un blanc]

retour à l'index

R1484: fol. 221r^o
.xviiii.

^{image du manuscrit}

1. Quant je voi le doz tems venir,
           Que reverdit la pree,
   Et j’oi le rousignol tentir
           Ou bois soz la ramee,
   Adonques ne me puis tenir
   De chanter, car tuit mi desir
           Et tote ma pensee
   Sunt en cele amer et servir
          Cui j’ai m’amor donee,
                  Senz repentir.

2. Merci s’il vos vient a plaisir,
         Doce dame honoree,
   Unques n’en os o sai jeïr
         Ne dire ma pensee.
   Por Deu, ne n’os chaille doïr
   Ne conpaignie tenir, [-2] 
         A gent malavree [-1]
   Qui les amanz sunt departir;
         La male destinee
            Lor puist venir.

3. Se mi doint Deux de vos joïr,
         Franche dame acesmee,
   Com je de fin cuer, senz mentir,
         Aim plus que riens nee. [-1]
   Et sachoiz de voir, sanz faillir,
   Que joie ne mi puet venir,
         Sanz vos qui m’ait duree.
   Bien mi poëz faire morir
         Se ma mort vos agree,
              N’en puis partir.

4. Ma dame, cui je n’os nomer,
         Por Dé, n’oblïez mie;
   Mei qui sui vostres sen fauser,
         Ce seroit vilenie.
   Qar j’ai toz jorz oï conter
   Q’en gentil cuer doit en trover
         Merci qui s’umelie et sen [+2]
   Nus ne la puis trover; [-2]
         Dun me covient ma joie
                 En duel finer.

5. Chaçon, va t’en tot droitement
         A ma tres doce amⁱe,
   Et si li di ne li celer
         Et que ne l’oblit mie.
   Que ne recreroie d’amer
   Ne de bone vie mener, [-1]
         Si fera cortoisie
   Mais pent de felons a grever
         Qui mainz amanz ocient
                  Senz defïer.

retour à l'index

haut de page