Le Chastelain de Coucy

Edition: Lerond, A.  Chansons attribuées au Chastelain de Couci. Paris: P.U.F., 1964.

R1872=R1884=R1876a: fol. 139v^o-140r^o

^{image du manuscrit}

1. Par quel forfait ne per quel mesprison
   Par qel forfait e par qel ochaison
   M'avez, amors, si de vos eslognié
   Qant de vos n'ai joie ne gerredon,
   Ni je ne truis qi de moi ait pitié?
   A tort m'avez si sanz conseil laisié
   Onqes de vos ne me vint se mal non
   N'encor, amors, ne vos hai reprochié
   Mon servise, mes ore m'en plaignié
   E di qe mort m'avez sanz ochaison.

2. B ien devroiez en vos gardar raison
   De moi grever, aisi m’avez chargié
   Sanz fin lonc tens en bone entencion;
   N'ainc a nul jor ne me feïstes lié.
   Malament hai mon servise emploié,
   Se par sofrir / n’en vieng a garison:  /140r^o/     image du manuscrit
   Merci, amors, trop m'avez travailié,
   Ne me laisiez ensi desconseilié,
   Qe ma dame ne me giet de prison!

3. E vos, dame, cui droiz mostre e valors
   Q’amer doiez vostre loial ami.
   Alegiez moi mes maus e mes dolors,
   Qeo sui cil qi plus avrai servi!
   De vos atent gerredon e merci,
   Car ma joie ne puet venir d'ailors,
   E se je i fail, morz sui e mar vos vi.
   Dit hai qe fous, ainz me tieing a gari,
   Mais trop vient tart, dame, vostre secors.

4. Ne cuidez pas, dame, ce soit follors
   Qe je vos aim et serf et voil e pri;
   Tant hai servi, vostre en sera l'onors
   Se vos m'avez mon servise meri.
   De vos proier me dot e fai ardi,
   Q'en amor hai ardimenz e paor^s;
   Ne tot ne cel mon cuer ne tot el di;
   E se je rien per paor en obli,
   Voinqe pitiez, douze dame, et amors!

5. Se nus amanz destroit et angoisos
   Doit joie avoir por amer loiaument,
   Donc doie bien par droit estre joios,
   Qe je sui cil qi plus ha de torment.
   E tant vos aim, dame, et serf bonement,
   Q’ainc a nul jor ne fui d’autre amoros,
   E mes chanzons fai por vos solement,
   N’ainc a nul jor ne chantai fausement,
   Si me laist Dieus, dame, joïr de vos.